Сұлтанмахмұт Торайғыров

Кәпір жоқ, мұсылман жоқ, мал мен адам

Бәрі де айырмасыз бауыр маған.

Пайда, зиян, ұят не,- мен білмеймін

Менің үшін сөз һәм жоқ деген жаман.

Менде жоқ: мынау орыс, мынау қазақ,

Не мақтау, не кемсіту, қорлау, мазақ.

Мен жігіт, он бес - отыз арасында,

Бұл жаста көп: бересі-аласым да.

Алдымда толған мақсат, толған таңдау,

Алайын мынасын ба, анасын ба?

«Асығыс жоқ, мен әлі жетем» деймін,-

«Дәл бүгін жетпедім деу бекер» деймін.

«Сондай бақыт табуға мен әуелі -

Сондай бейнет һәм еңбек етем» деймін.