Tanınmış şair, nasir, publisist Nazim Şamil oğlu Əhmədli Laçın rayonunun Əhmədli kəndində anadan olub. Moskvada Maksim Qorki adına Ədəbiyyat İnstitutunu bitirib. Ədəbiyyata səksəninci illərdə gəlib. «Bir ömür sevgi», «Ruhum da sənin olacaq», «Sevgi Allahı» şeirlər, «Əfv eylə məni» qəzəllər, «Mənim generalım» povest, «Mollaəhmədli və Mollaəhmədlilər» adlı bədii-publisistik kitabların və bir neçə başqa topluların müəllifidir. Rus, isveç, yapon və özbək ədəbiyyatlarından tərcümələr edib. Şeirləri bir neçə dilə tərcümə olunub. Uzun illər Azərbaycan Yazıçılar Birliyinin Ədəbiyyat Təbliği Bürosunun direktoru vəzifəsində işləyib. Hərbi jurnalist kimi Qarabağ müharibəsində iştirak edib.